Áhugaleikarar spreyta sig á einleikjum

 Eftirfarandi frétt er tekin af vestfirska fréttavefnum www.bb.is

 Fjórir áhugaleikarar frumsýna einleiki á Hótel Ísafirði kl. 21 á fimmtudag en þeir hafa setið einleikjanámskeið Kómedíuleikhússins og LL. Námskeiðið ber yfirskriftina Leikur einn enda var þar unnið með einleiksformið og möguleika þess. Þátttakendur völdu sér loks einleik að eigin vali og hafa þeir verið æfðir síðustu þrjár vikur í leikstjórn Elfars Loga Hannessonar, Kómedíustjóra, sem jafnframt var leiðbeinandi á námskeiðinu. Leikirnir sem verða sýndir eru Lover Man eftir Hallgrím Hróðmarsson og er hann einnig leikari, Um skaðsemi tóbaksins eftir Anton Tsjekof leikari Ársæll Níelsson og síðan eru tveir leikir úr smiðju Benóný Ægissonar. Nefndarformaðurinn sem Árni Ingason leikur og Álitsgjafinn með Mörtu Sif Ólafsdóttur. Einleikirnir verða sýndir á þremur sýningum í febrúar auk þess sem þeir verða á dagskrá einleikjahátíðarinnar Act alone sem haldin verður í fjórða sinn í sumar. „Það er skemmtilegt að fá tækifæri að koma fram á svona leiklistarhátíð þar sem aðrir flytjendur eru atvinnuleikarar og því gaman fyrir áhugaleikara eins og okkur að spreyta sig með þeim“, segir Ársæll Níelsson.

Einsog áður sagði er frumsýning fimmtudaginn 15. febrúar kl. 21. Önnur sýning er fimmtudaginn 22. febrúar kl. 21. og þriðja og síðasta sýning er föstudaginn 23. febrúar kl. 21. Kaffihúsastemmning mun ríkja á sýningum á hótelinu og verður kaffi og með því innifalið í miðaverði sem hljóðar upp á 2000 krónur.

Get ekki logið lengur.

Nú er nóg komið. Ég hélt að ef ég héldi mig til hlés þá væri það okkur þremur fyrir bestu, mér, móður og barni. En þar sem Anna er látinn og allir þessir menn þykjast vera feður dóttur hennar þá bara get ég ekki setið á mér lengur; Ég er faðir Dannielynn. Ég hef reyndar aldrei hitt Önnu Nicole en ég er mjög hugfrjór og því ekki nokkur vafi að ég er barnsfaðir Önnu.

Lífvörðurinn kann að vera barnsfaðir Önnu Nicole

Til hamingju Víkarar!

Já, þetta eru sannarlega gleðitíðindi fyrir þá sem ferðast um Óshlíðina. Umferðaröryggið orðið talsvert meira. Hefði kannski verið betra að fara með innri gangamunan lengra inn í Skutulsfjörð til að losna við umferð sem annars fer, líkt og nú, í gegnum þrönga einsteefnusgötu, en látum það liggja milli hluta.

Ánægjulegt að sjá göngin milli Dýrafjarðar og Arnarfjarðar þarna á áætlun. Betra hefði auðvitað verið að þau göng væru efst á blaði og að samhliða þeim eða í beinu framhaldi væri framkvæmdir við Dynjandisheiði því að núverandi ástand þar verður til þess að Dýrafjarðar-Arnarfjarðargöngin breyta litlu um umferðaröryggi og fjölda "opina daga" á leiðinni á milli suður og norðurfjarðanna. En þetta er ágætis byrjun. Ég læt samt vera að missa mig í gleðinni, enn eru a.m.k. 3 ár í að ráðast eigi í þessi göng og því nægur tími fyrir stjórnvöld að færa þessa framkvæmd enn einu sinni neðar á lista ef eitthvað "mikilvægara" kemur upp á.

Bæjarstjórnir fagna jarðgangaákvörðun

Óþolinmæði

Peggy Jo hefði kannski bara átt sleppa því að reyna að taka barnið ófrjálsri hendi og bíða þess í stað eftir að fá tækifæri til að ættleiða.

Svona hefnist fólki fyrir óþolinmæðina. Ég legg til að McDonalds axli ábyrgð. 

Játaði að hafa skorið maga ófrískrar nágrannakonu sinnar

Spámenn í föðurlandi.

Ég var svona að velta því fyrir mér hvort spámenn gangi oftast í föðurlandi af vinum sínum eða hvort þeir hreinlega bísi þeim. Skyldu þeir yfir höfuð eiga föðurland?

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.