Kjálki - Vestfirskur fjallagrasabjór

Litlar bruggverksmiðjur eru farnar að skjóta upp kollinum ein af annarri. Nú hvet ég einhvern stórhuga vestfirðing til að drífa sig í slíka framkvæmd áður en markaðurinn verður of mettaður. Það væri ekki úr vegi að reyna að skapa sér sérstöðu á markaðnum með einhverju móti og legg ég til að athugaðir verði möguleikar á því að nýta á einhvern hátt fjallagrös við bruggunina. Í hvaða magni og á hvaða stigum bruggunarinnar það væri mögulegt þekki ég ekki en ef það fyndist leið til þess þá væri sérstaðan komin. Bjór úr tandurhreinu vestfirsku vatni, bættur með vestfirskum fjallagrösum. Þar sem fjallagrösin eru sögð allra meina bót, styrkja ónæmiskerfið og meltinguna, þá er ekki úr vegi að álykta að þar fengist prýðilega hollur bjór sem vekja myndi athygli.
Tilvalið væri að gera samning við veitingastaði á vestfjörðum um að selja mjöðinn og þar með væri lágmarks dreifing tryggð. Einnig væri hugsanlega hægt að drýgja tekjurnar með því að selja aðgang að sýnis- og smakkferðum um verksmiðjuna.

Mér skilst að Maðjurt gæti hentað vel enda var hún á árum áður notuð í mjöð og dregur hún nafngiftina þaðan. Maðjurt telst þó tæknilega ekki til fjallagrasa (sem eru fléttur af sveppum og þörungum) heldur plantna en það má vel líta framhjá því.


Mynd: BIX 

Nýr bjór kemur á markað um helgina

Athugasemdir

[Elfar Logi Hannesson (IP-tala skráð) 3.3.2008 kl. 21:20]

Góð hugmynd alveg á við nokkrar olíutunnur og þar að auki hægt að súpa úr þessari tunnu

[Benni (IP-tala skráð) 3.3.2008 kl. 23:47]

Skráðu nafnið! Brilljant!  Ég mæli líka með Hvannarvodka, með mynd af Hornbjargi á.

[Benedikt Karl Gröndal, 4.3.2008 kl. 18:41]

Döjöfull lýst mér vel á þetta!!! Farðu með þetta í gang. Núna!