Smán

Þetta er nú meira ekkisens fíflið hann Ragnar Jörundsson.
Mátti ekki til þess hugsa að rollurnar væru úti í vetur og gætu jafnvel farið sér að voða. 7 rollur enduðu svo ævina með því að hrapa fyrir björg á flótta undan "smölunum".

Manni verður hugsað til Höllu sem fleygði af bjargi frekar en að fylgja sýslumanni.

Ragnar er fífl og ég skal glaður segja það þráðbeint í andlitið á honum ef ég verð svo óheppinn að hitta hann einhvern daginn.

Björgunarsveitarmenn sem létu hafa sig út í þessa vitleysu mega skammast sín. Ég veit að fyrir hönd sveitunga minna þá geri ég það.

Nítján kindur heimtar af Tálkna

Athugasemdir

[Ólafur Þórðarson, 28.10.2009 kl. 16:08]

Þeir mega skammast sín já, án þess ég taki undir að uppnefna menn. Þessi aðför gerir þá sem þátt tóku að minni mönnum.

Góð líking við Höllu. 

[Ársæll Níelsson, 28.10.2009 kl. 16:13]

Það er nú ekki venja mín að uppnefna menn svona almennt en ég geri undandtekningu í þetta skiptið.

Frá því að ég man eftir mér hafa heimamenn bent stoltir út í Tálknann og sagt gestum frá þessum sérstæða stofni.  Þetta er svartur dagur í sögu sveitarfélagana sem að þessu koma. Nær hefði verið að hlúa að stofninum með einhverjum hætti og markasetja fyrirferðamennsku.

[Lauga (IP-tala skráð) 28.10.2009 kl. 16:36]

Þetta er alveg ruglað hvernig farið er að - Enn ein vonda landkynningin .?

Mér finnst að það hefði átt að skoða að gera þetta að einhverskonar þjóðgarði með þennan villta stofn - skoða og skrá fyrir vísindin því svona villtur fjárstofn þekkist hvergi annars staðar í heiminum.  björgunarsveitarmenn gætu þá verið eins og þjóðgarðsverðir og aðstoðað ef einhver dýranna séu í sjálfheldu eða sár.

Einmitt líka gott fyrir túrismann. Mig mundi allavega langa að sjá og vita meira um þennan stofn og ég er bara venjulegur íslendingur - enginn bóndi

[Loftur Altice Þorsteinsson, 28.10.2009 kl. 22:24]

Þetta er grátleg útrýmingarherferð og enn ein sönnun þess að hérlendis er ótrúlega mikið af villimönnum. Veiðimennirnir munu sjálfsagt hreykja sér af verkinu með því að hafa höfuð þessara greyja til sýnis. Algjörlega skammarlegt framferði.