Sonnetta Shakespeares nr. 116

Tveir hjartans vinir hvergi meinbug sjá
á helgum eiði: rangnefnd er þá tryggð
ef breytist hún þá brigðir þola má,
ef bifast þá hún mætir lygð og styggð.

Nei! hún er viti byggður bjargi á,
í byljum haggast ei, en lýsir fleyi
sem úthafs-farsins himinstjarna há,
þar hæðin verður mæld en stærðin eigi.

Hún er ei kennd við tímans tál og sýnd
þó tærist hennar rjóða kinn og vör,
en ein og söm, til undanláts ei brýnd
hún endist meðan stendur lífsins för.

Því ef mótsögn er við þennan sann
ég aldrei reit - og tryggð ei prýðir mann.


mbl.is 6 fundir með seðlabankastjórn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Níels A. Ársælsson.

Þetta minnir á kvæðið  "Einræður Starkaðar" eftir Einar Benediktsson.

Gæti verið að nýrómatíska skáldið mitt Einar Ben hafi verið að glugga í karl fuskinn Shaespears ?

Níels A. Ársælsson., 19.11.2008 kl. 11:19

2 Smámynd: Ársæll Níelsson

Verð að viðurkena að ég þekki lítið sem ekkert til verka Einars. Það kæmi mér hinsvegar á óvart ef hann hefur ekki átt Sonetturnar uppi í hillu hjá sér.

Ársæll Níelsson, 19.11.2008 kl. 17:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband