Mannréttindabrot

Samfylkingin svíkur þá,
sem fögur loforð hlustuðu á,
á meðan LÍÚ tekur lýðinn aftan frá
með dyggri aðstoð Einars K.

 

Athugasemdir

[Ingólfur H Þorleifsson, 31.5.2008 kl. 07:59]

Sæll Ársæll. 

Ertu að koma heim af kránni. Byrjaður að predika klukkan 6.30 að morgni. Vonandi verða aðrar áherslur hjá morranum í sumar en í þessari ambögu.

Kveðja frá Suðureyri

[Ársæll Níelsson, 31.5.2008 kl. 08:13]

Sæll Ingólfur.

Færslan var reyndar sett inn kl 8.30 að dönskum staðartíma, þegar kominn var kominn miður dagur hjá okkur feðgum. Ég get lofað því að Morranum verður haldið utan við hitt pólitíska leikhús.

Bið fyrir kveðju til Súganda

[Sigurður Jón Hreinsson, 31.5.2008 kl. 17:07]

Vísan er góða og sönn.

Ótrúlegt hvað sumir geta verið viðkvæmir fyrir sannleikanum

[Ársæll Níelsson, 1.6.2008 kl. 09:40]

Takk fyrir það Sigurður.
Sannleikanum verður hver sárreiðastur. 

[Guðfinnur Einarsson (IP-tala skráð) 1.6.2008 kl. 15:11]

Þið feðgarnir hafið mjög svipaðar skoðanir á pabba mínum.

[Ársæll Níelsson, 2.6.2008 kl. 08:26]

Það hafa fleiri.
Einar er eflaust afbragðs náungi, mín kynni af honum eru a.m.k. sú að hann sé bæði prúður og þægilegur í umgengni. Vísan er ekki ætluð sem áras á hans persónu heldur starfi hans sem ráðherra.
Af verkunum eru menn dæmdir.

[Guðfinnur Einarsson (IP-tala skráð) 2.6.2008 kl. 12:45]

Og ætli það séu ekki fáir sem þurfi að skilja þá speki betur en menn sem mennta sig í leiklist. Þið eruð heldur ekki fyrstu, einu eða síðustu aðilarnir til að gagnrýna hann, enda er öllum frjálst að tjá sig um hans verk. Þó mér finnist ég stundum sjá full harðorða gagnrýni á hann frá þér og pabba þínum. En rétt ályktað hjá þér. Hann er fínn kall.

[Ársæll Níelsson, 2.6.2008 kl. 17:51]

 Marga tel ég hafa farið harðari orðum um föður þinnm, sem og aðra ráðherra og alþingismenn, heldur en mig.
Menn geta verið mis passasamir á ritstílinn þegar fjallað er um hjartans mál. Komi þetta illa við þig þá biðst ég afsökunar á því.

[Guðfinnur Einarsson (IP-tala skráð) 3.6.2008 kl. 12:24]

Það er alveg satt hjá þér. Og ef ég myndi taka það nærri mér í hvert sinn sem mér þætti vegið að pabba þá væri ég nú orðin ansi bitur maður. Ég geri mér fullkomlega grein fyrir að hann er með mjög umdeildan málaflokk á sinni könnu sem margir hafa heitar skoðanir á. Venjulega fylgist ég hljóðlaus með þeim umræðum sem fara fram um hann, gott ef þetta er ekki í fyrsta sinn sem ég kommenta nokkurs staðar.

Þetta kemur alls ekki illa við mig, vísan er saklaus en ég þakka þér samt fyrir tillitssemina. Gangi þér vel í leiklistarstarfinu fyrir vestan í sumar.

[Benni (IP-tala skráð) 4.6.2008 kl. 16:38]

Hér lekur náungakærleikurinn eins og smjör á heitum sumardegi. Maður klökknar bara við að lesa síðustu athugasemdir...

Hættið þessu og farið að segja ljóta hluti um mæður hvors annars!

[Ársæll Níelsson, 4.6.2008 kl. 17:23]

Guðfinnur: Prýðis viðhorf hjá þér. Þekkjum það víst báðir að eiga umdeilda feður. Þakka árnaðaróskirnar og óska þér sömuleiðis alls hins besta í hverju sem þú tekur þér fyrir hendur.

Benni: Ættir þú ekki að vera í sjósundi?