Hvað með Krónu-bandalag?

Ég set risastórt spurningarmerki við það að hafa jaðarmongólíta sem talsmann okkar viðræðum við eitthvað alheimsbákn sem virðist setja ofur-frjálshyggju sem skilyrði fyrir aðstoð og getur jafnvel svipt okkur sjálfræði ef svo ber undir. (Þannig skil ég a.m.k. þennan sjóð. Önnur sjónarmið vel þegin.) Einnig kemst ég tæplega hjá því að halda að e-ð hljóti að hanga á spýtunni hjá Rússum sem virðast eiga nógu erfitt með sjálfa sig í augnblikinu og reyndar mörg undanfarin ár.

Því spyr ég: Hafa ekki Norðmenn, a.m.k. formaður stjórnarandstöðunnar sem hlaut lof í lófa fyrir, lýst því yfir að vel komi til greina að koma okkur til aðstoðar? Afhverju er ekki gengið á þá og það mál skoðað af fullri alvöru?
Norðmenn eru vinir í raun og virðast ekki erfa við okkur frekjuna í síldarmálum. Þeir tala um okkur sem frændur sína, ólíkt Dönum sem ennþá líta á okkur sem nýlenduna sem slapp frá þeim með svikum. Á meðan Danir grínast með það á kaffistofum að ástandið verði til þess að við komum skríðandi aftur til þeirra þá lýsa Norðmenn yfir áhyggjum fyrir okkar hönd.

Annað sem hef verið að velta fyrir mér í nokkurn tíma er hvort ekki sé mögulegt að koma á samnorrænni krónu. Er Evran, og þá innganga í Evrópusambandið, virkilega eini möguleikinn ef skipta á um gjaldmiðil? Bæði Svíar og Danir eru í ESB em standa engu að síður fyrir utan myntbandalagið. Krónan fengi að lifa, hún væri bara ekki alltaf með eitthvað þjóðarforskeyti.
Hefur þetta einhvern tímann verið skoðað?

Fogh Rasmussen: Ókostur að vera ekki í myntbandalaginu

Athugasemdir

[Katrín, 15.10.2008 kl. 22:53]

Veistu þetta er besta hugmynd sem ég hef heyrt í öllum þessum darraadansi.  Víst er norska krónan sterk og stöðug en mér líst best á norræna krónu....samstarf Norðurlandana hefur dalað nokkuð ekki síst vegna áhugaleysis Dana og Svía enda voru þeir svo agarlega spenntir fyrir globalisering og leiðinlegt að segja það en íslenskir ráðamenn ( lesist Sjálfstæðflokkur) hefa einnig haft takmarkaðan áhuga á norrænu samstarfi... ekki nógu internationalt og því ekki smart.  Haltu áfram að koma þessari hugmynd á framfæri...ég er til í stuðning.+

Vona að ykkur sé vært í Kóngsins Köben og kortaklippir ekki náð í ykkur

[Ársæll Níelsson, 16.10.2008 kl. 08:05]

Nú hefur Rassmusen reyndar sagt að danir skuli kjósa um upptöku Evrunar árið 2011 þannig að kannski fer að verða of seint að taka upp Skandinavíukrónu með þáttöku dana.
Annars er ég ekki viss um að minn sápukassi sé nógu stór til að þessi hugmynd á aftasta bekk.

Hér hefur enginn klippt á mín kort, enda eru þau íslensku falin ofan í skúffu. Ég versla aðeins með danskt reiðufé sem reyndar er farið að verða erfitt að verða sér útum.

[Katrín, 16.10.2008 kl. 22:16]

Aldrei að vanmeta mátt sinn og megin   Þó sápukassinn sé lítill getur hann freytt þokkalega 

Vona að þú fáir að halda dönsku kortunum þrátt fyrir íslenskan ríkisborgararétt

[Ársæll Níelsson, 17.10.2008 kl. 19:14]

Vonum það :)